قصة مؤلمة (منقولة) السلام عليكم انا شاب ابلغ من العمر...

قصة مؤلمة (منقولة) السلام عليكم انا شاب ابلغ من العمر 21 سنة توفي صاحبي قبل كم شهر بحادث سيارة الله يرحمه ويغفر له كان خلوق جداً وما فيه احد ما يحبه والكل يشهد له بحسن اخلاقه وكرمه وشهامته والكل انفجع لفقدانه وماتقبل هاللي صار والحمدلله على كل حال ، بعد موته بكم اسبوع بدت تجيني كوابيس بنومي عن انه يتعذب بالنار ويحترق والله العظيم اني كنت افز من نومي مرتاع ومب مستوعب ليش قاعد يصير له كذا والله الكل يشهد له بأخلاقه وحسن تصرفاته صار يتردد علي كل فترة هالحلم وكأنه يحاول يستنجد فيني ووالله العظيم ان صراخه ماكان طبيعي ابداً صراخ مرعب لأبعد حد يزورني واتذكره حتى لما اكون لحالي ، صرت دايماً اتصدق عنه وادعي له بوقت الاذان والاقامة لعل الله يخفف عنه العذاب ولكن مافيه فايدة كان كل يوم يزيد ويطلع من اذنه وفمه وتحت اظافره صديد مستحيل انسى منظره ، كرهت النوم وهجرته خوفاً من انه يتكرر علي المنظر وانا ما اقدر اسوي شيء غير الدعاء والصدقة رحت الى كم مفسر لكن ماكنت متأكد من صحة تفسيرهم او بالاصح ما ارتحت تماماً كنت اتمنى ان هالشيء يكون اضغاث احلام وانه ما يتعذب بقبره او اياً كان بعدها بيومين رجع لي الحلم نفسه كانوا شخصين اجسامهم كبيرة يسحبونه لمكان بعيد فيه جماجم وناس يتعذبون معاه وكانوا يصبون بأذنه زي الصديد اكرمكم الله ويطلع مع الاذن الثانية وما اكتفوا بهذا القدر كانو يجيبون سيخ حديد حار ويدخلونه بأذنه ويطلع مع الثانية تحت صراخه الشنيع ويدينه ايضا كانت ممسوخة وواضح عليها علامات العذاب الشديد والله على ما اقول شهيد سألته يا فلان ليش يصير معك كذا ليش يعذبونك كذا وانت كنت بار بوالدينك ومحافظ على صلاتك وش الذنب اللي استحق انهم يسون فيك كذا ؟ وش الذنب العظيم اللي استحق كل هذا التعذيب ؟ تكلم اخيراً وقال لي الاغاني يافلان الاغاني ! من يوم ما انحطيت بقبري وانا اتعذب صار قبري حفرة من حفر النار بسبب الاغاني والذنوب الجارية اللي جتني منها ولا يوم ذقت الراحة والله ولا يوم ذقت الراحة يصبون القيح والصديد في اذني ويحرقون يديني ويعذبوني ليل نهار على مافعلت ! هذا كل اللي اتذكره من كلامه بعدها سحبوه الملائكة للتعذيب مره ثانية والله على ما اقول شهيد ثانيةً كان شكله مؤلم وصراخه مفجع ظل كابوس يقظة يراودني ، فهمت ان سبب تعذيبه الاغاني لكني مافهمت كلامه *" ذنوب جارية ؟ "* الموضوع صار يراودني اكثر من يوم ويلازم تفكيري ووالله اني ماذقت الهنى او استمتعت فيه بهالكم يوم بعدها تذكرت انه كان عنده حساب في انستقرام كان قديم يمكن من 2014 وهو فاتحه وكان ينزل فيه مقاطع اغاني وشيلات رجعت ادور عن هالحساب واخيراً لقيته بس جلست افكر كثير هذا هو سبب تعذيبه ؟ شفت ان عدد اللايكات فيه كثير وعدد الفولورز يزيد ولا يعرفون بموته ! اوجعني قلبي كثير من منظر الفولورز والذنوب اللي تتسجل عليه وعرفت معنى كلمته ذنوب جارية احترت وش اسوي لاني ما اعرف الباسوورد ولا الايميل ولا اي شيء يخص الحساب مع كذا كنت كل ما اتذكر منظره وهو يتعذب ارجع وادور اي طريقة اقدر اسكر الحساب فيها وماعرفت كيف اتصرف وهذا الشيء اللي خلى ضميري يانبني جلست ٣ ايام وانا ماني عارف وشلون اسكر الحساب فهالثلاث ايام كنت اشوفه يتعذب بمنامي ووالله العظيم اني ماذقت النوم الهني ابد احسه يتعذب بسببي كنت اعرف سبب تعذيبه ومع كذا ماني قادر اسوي شيء لما ربي دلني على الحل وحصلت هكر توقعته بيطلب مقابل عشان يهكر الحساب لكن بلغته بحالة صاحب الحساب وقال انه بيسكره لوجه الله وفعلا مامرت ٢٤ ساعة الا وهو مهكر الحساب وحاذف كل شيء فيه بنفس اليوم صليت لربي فيه وسألته بسجودي انه يوقف عنه العذاب برحمته وعفوه ، كان منظره مفجع جدا ما ارتحت الا لما سكرت الحساب ، مستحيل انسى المنظر ووالله ان هالشيء كان كفيل بأني اترك الاغاني وحتى الشيلات للابد واي مكان يشغلونها فيه اتجنبه ، والله العظيم اني اخذت درس ماني ماخذ مثله طوال عمري كله والحمدلله ان الله هداني عن الاغاني صرت اي مناسبة فيها اغاني اصد عنها اي شيء فيه موسيقى ما احاول حتى اني اسمع له من هول ماشفت والله ولو اي واحد فيكم شاف اللي شفته كان كره طاري الاغاني وسيرتها وكل شيء يتعلق فيها كان عملت لآخرتك طول عمرك وعرفت ان الدنيا فانية تمنيت اني اقدر اخلي اللي يسمعون الاغاني يشوفون اللي شفته والله منظر مفجع وهم يعذبونه بهالطريقة تحت صراخ كان مرعب جداً جداً ماهو صراخ طبيعي صراخه يتردد في اذني لهاللحظة والله العظيم ، اتمنى كلامي هذا يكون درس لكل واحد يسمع الاغاني او على الاقل مدمنين الاغاني ما ابي يكون بذمتي وبرقبتي يوم القيامة شيء اني شفت هذا العذاب كله ولا انذرت احد ، اللهم هل بلغت اللهم فاشهد .. . . كم هناك فيه اشياء كثيرة مستهينين فيها مع ان عذابها شديد فكيف بالنظر إلى المواقع الإباحية ونشرها بين الناس الله يتوب علينا يارب ،، أنشروهآ لِمن تحبون حتى يآخذوا عبرة ونتجنب نآر جهنم برحمة الله وندخل الجنـة سويا