سؤال موجه للمقبلات على الولادة الطبيعية إن شاء الله: 🧐تعرفي كيفاش تزحمي؟؟؟ وقت الولادة، كي يوصل راس البيبي لعنق الرحم وتبدأ الطلقة الأخيرة، هنا يبدأ وقت الدفع. باش تدفعي صح: 1. كي تحسي بالتقلصات في بطنك خذي نفس عميق من الأنف، احبسيه في صدرك وركزي. 2. ديري القوة كلها لأسفل، كأنك رايحة للحمام. ما تخليش الهواء يخرج لا من الفم و لا من الأنف. القوة تكون في البطن وماشي في الوجه باش ما تتعبيش روحك بلا فايدة. 3. خلي راسك مائل شوية لقدام مع شد الرجلين للصدر إذا كنتِ مستلقية. 4. اتبعي نصائح الطبيبة أو القابلة، وهي تقولك وقتاش تدفعي ووقتاش تتوقفي باش ما يصيرش تمزق. 5. إذا تعبتي بين الطلقات، خذي نفس عميق وارتاحي شوية. الدفع الصحيح يسهل خروج البيبي ويقصر وقت الولادة. المهم لازم تبقي هادئة وتثقي في نفسك وفي الطاقم اللي معاك. وقفه سهله إن شاء الله 😇