رسالة ليكي تقرأيها في يوم ولادتك🩷🩷 الولادة معجزة... شئ سبحان الله ربنا مهيأ جسمك يقوم بيه .... جسمك اتخلق عشان يقدر يحمل ويضع على خير إن شاء الله ورحمك هو أقوى عضلة موجودة في جسمك وهيتفتح ان شاء الله زي الوردة ما بتتفتح كده علشان يطلع طفلك بسلامة وأمان للدنيا ولحضنك إن شاء الله🥰عاوزاكي تتطمني.... الله سبحانه وتعالى لم يخذلك ولن يخذلك... الله رحيم ودود مؤمن جبار... ذو الأسماء الحسنى... هيعينك والله وهيقويكي ويصبرك.... لا حول ولا قوة إلا بالله.... حسبنا الله.... سيؤتينا الله من فضله... إنا إلى الله راغبون...ده حتى لو انتفت كل الأسباب وكل حاجة ماشية غلط ومش زي ما تتمنى ومش زي ما كنت عاوزة ولخبطة.... يكفيك أن الله معاك .... انه وكيلك.... فاهمة؟؟؟؟ هو وكيلك خلاص.... بصي تخيلي كده انك بتولدي عند مستشفى فيها احسن ناس واحسن دكتورة وطاقم كامل بيولد طبيعي بأحدث وأرقى التقنيات ومعاكي دولا ومعاكي جوزك والكل مركز ومذاكر عشان راحتك وعشان ولدي وهتخادي دوش واسترخاء ودلع واحلى حاجة في الدنيا شوفي هتبقي متطمنة ازاي....طيب دلوقتي انت معاكي افضل من ده كله بسنين ضوئية.... معية الله لطف الله ولاية الله تدبير الله سبحانه وتعالى... هتثقي في بشر ومستشفى اكتر ولا في ملك السماوات والأرض!!!!! حسبنا الله سيؤتينا الله من فضله إنا إلى الله راغبون♡انا إلى الله راغبون🥰🥰 وعاوزة افكرك ان ألم أحاسيس الولادة ألم محتمل مهما كان موجع خليكي واثقة أنه ألم محتمل وإن شاء الله هتقدري عليه هتقدري تديريه وتتحمليه بعون الله ومدده وسكينته وافتكري ( .... وَمَن یَتَوَكَّلۡ عَلَى ٱللَّهِ فَهُوَ حَسۡبُهُۥۤۚ إِنَّ ٱللَّهَ بَـٰلِغُ أَمۡرِهِۦۚ قَدۡ جَعَلَ ٱللَّهُ لِكُلِّ شَیۡءࣲ قَدۡرࣰا ) مفيش حد فضل حامل للأبد... محدش بيولد للأبد قد جعل الله كل شيء قدرًا وتذكري أن الله لن يحملك ما لا تطيقين ... لا يكلف الله نفسًا إلا وسعها.... الانقباضة بتقدر دقيقة واحدة ماكسمييم ودقيقة ونص في الآخر... وبعدين برحمة الله بترتاحي من ٣ ل ٥ دقائق....فاثبتي اجرك عظيييييم.... اثبتي... انها الجنة إن شاء الله❤️❤️اجر الصبر على البلاء.... إنا وجدناه صابرًا... ربنا هيبعت لك الملائكة دلوقتي ويسألهم كيف وجدتم أمتي🥰🥰 اصبري وهوني على نفسك وطبقي اللي اتعلميه اتنفسي صح ركزي على التنفس والتوكل الحمد والحوقلة... شمي وردة وطفي شمعة واحمدي الله شمي وردة واطفي شمعة واحمدي الله لحد ما الانقباضات تروح احمدي ربنا واضحكي وهزري❤️❤️... وافرحي كده انهارده هتقابلي طفلك حبيب ماما وبابا انهارده ان شاء الله تاخديه لحضنك... اللهم إني أسألك الثبات🥰🥰🥰 يا رب... فرفشي كده وفرفشي اللي حواليكي واتصوري واضحكي وهزري مع الناس... الناس دي كلها هدفها بس انك تولدي على خير وتجتمعي بطفلك حبيب قلبك... اهدي واتبسطي.... ده احلى يوم في حياتك❤️❤️ يا رب وأوعي تنسي صلاتك خالص وصلي ركعتين عشان ربنا يسهل عليكي وطولي في سجودك على قد ما تقدري.... واقري اذكارك كاملة وتدبريها وخلي روحك ترفرف في التوكل على الله تعالى🥰🥰🥰🥰 خلي قلبك يرفرف من للتوكل على الله تمااام التوكل🩷